Thursday, 5 October 2017

புலன்கள்

தென்றலை நான் உணர்ந்தது இல்லை
உன் சுவாசக் காற்று தொடும் வரை!

மலர்களை நான் ரசித்தது இல்லை
உன் கூந்தல் சூடும் வரை!

இசையில் நான் மயங்கியதில்லை
உன் கொலுசொலியில் மூழ்கும் வரை!

வார்த்தைகளின் பயன் தெரிந்தது இல்லை
உன் பேச்சின் சுவை அறியும் வரை!

உடல் மொழியினை  புரிந்தது இல்லை
உன் நாணம் எனை ஆளும் வரை!!!

Tuesday, 22 August 2017

சந்திர கிரகணம்

புவியும் உன்னழகில் பொறாமை
கொண்டதினால் நிகழ்கிறதோ இந்த
கிரகணம் !!!

Friday, 4 August 2017

அவா

உன்னை விட உன் நிழலையே அதிகம் விரும்புகிறேன்
அது என்னை வெறுப்பது இல்லை

உன்னை விட உன் புகைப்படத்தையே அதிகம் ரசிக்கிறேன் 
அதில் உன் புன்னகை மறைவதில்லை

உன்னை நேரில் காண்பதை விட கனவில் காணவே விழைகிறேன்
அதில் நீ என் கை பிரிவதில்லை

கற்பனையில் எவ்வளவு ரசிப்பினும் வாழ்வை
உன்னுடன் சேர்ந்து வாழவே தவம் புரிகிறேன்!!!

Saturday, 18 June 2016

வெப்பம்

வெண்ணிலவின் வெப்பத்தை உணர்கிறேன்!
நீ அருகில் இல்லாத பொழுது !!

Thursday, 26 May 2016

முகப்பரு

அவள் அழகு முகத்தில்
அலங்காரப் புள்ளிகள் !
முகப்பரு !!

Sunday, 13 December 2015

வெட்கம்

உன் அழகைக் காண வெட்கி
நொடியில் ஓடி ஒளிந்தது
மின்னல் !!!

Saturday, 7 November 2015

பஞ்ச பூதங்கள்

சுட்டெரிக்கும் வெயில்
உன் கோபம் !
ஆர்ப்பரிக்கும் மழை
உன் சிரிப்பு !
அமைதி காக்கும் பூமி
உன் பொறுமை !
சுழன்றடிக்கும் காற்று
உன் திறன் !
பரந்த வானம்
உன் குணம் !

பஞ்ச பூதங்கள் உனைக்
கண்முன் நிறுத்தும்
ஒவ்வொரு கணமும் !!!