வெட்கம்

உன் அழகைக் காண வெட்கி
நொடியில் ஓடி ஒளிந்தது
மின்னல் !!!

பஞ்ச பூதங்கள்

சுட்டெரிக்கும் வெயில்
உன் கோபம் !
ஆர்ப்பரிக்கும் மழை
உன் சிரிப்பு !
அமைதி காக்கும் பூமி
உன் பொறுமை !
சுழன்றடிக்கும் காற்று
உன் திறன் !
பரந்த வானம்
உன் குணம் !

பஞ்ச பூதங்கள் உனைக்
கண்முன் நிறுத்தும்
ஒவ்வொரு கணமும் !!!

நெற்றி

சுருக்கங்களுடன் அழகாய்
ஒரு மூன்றாம் பிறை
அவள் நெற்றி !!!

அழகு

என் முகம் இத்தனை அழகா
என வியந்தேன் !
உன் கருவிழியில் காணும்பொழுது !!!

விடியல்

விடியலின் வெளிச்சம் போதவில்லை
காத்திருக்கிறேன்
நீ கண் விழிப்பதற்காக !!!

ஊடல்

மேகத்துடன் கோபம்
மண்ணைச் சேர்ந்தன
மழைத்துளிகள் !!!
.
.
.
.
உனைப் பிரிந்து மண்ணில் வாழ மனமில்லை
மீண்டும் வருகிறேன்
நீராவியாய் !!!

பிச்சை

கையில் சில்லறை இருந்தும்
பிச்சையிட மனமில்லை
பேருந்தில் நடத்துனர்
கேட்பார் என்பதால் !!!

துரோகம்

மனிதனின் வாழ்வை மற்றும் சக்தி
காதலுக்கு மட்டும் இல்லை
துரோகத்திற்கும் உண்டு...

துரோகம்
மனிதனின் வாழ்வை
முடக்கிப் போடும் அல்லது
மாற்றிப் போடும் !

நம்பிக்கை

நீ மிக அதிகமாக நம்பும் மனிதர்களின் மறுபக்கம்
மிக மோசமானதாக இருக்கும்...

நிலவு

என் காலெண்டரில் உள்ள பௌர்ணமிகளை அழிக்கிறேன்
என் வானில் என்றும் ஒரே நிலவு
அவள்!!!

உவமை

மீன் தொட்டியில்
நீரின்றி நீந்தும் மீன்கள்
உன் கண்கள்!!!

வெளிச்சம்

வானில் நிலவில்லை
இருப்பினும் ஒளிர்கிறது என் இரவு
அருகில் நீ!!!