இருள்

இருளும் அழகு தான்
உனைப் பிரிந்து வாழும் தனிமையை விட!
இசையும் இரைச்சல் தான்
உன் குரல் கேட்காமல் வாழ்வதை விட!!!

புலன்கள்

தென்றலை நான் உணர்ந்தது இல்லை

உன் சுவாசக் காற்று தொடும் வரை!

மலர்களை நான் ரசித்தது இல்லை

உன் கூந்தல் சூடும் வரை!

இசையில் நான் மயங்கியதில்லை

உன் கொலுசொலியில் மூழ்கும் வரை!

வார்த்தைகளின் பயன் தெரிந்தது இல்லை

உன் பேச்சின் சுவை அறியும் வரை!

உடல் மொழியினை  புரிந்தது இல்லை

உன் நாணம் எனை ஆளும் வரை!!!

சந்திர கிரகணம்

புவியும் உன்னழகில் பொறாமை
கொண்டதினால் நிகழ்கிறதோ இந்த
கிரகணம் !!!

அவா

உன்னை விட உன் நிழலையே அதிகம் விரும்புகிறேன்
அது என்னை வெறுப்பது இல்லை

உன்னை விட உன் புகைப்படத்தையே அதிகம் ரசிக்கிறேன் 
அதில் உன் புன்னகை மறைவதில்லை

உன்னை நேரில் காண்பதை விட கனவில் காணவே விழைகிறேன்
அதில் நீ என் கை பிரிவதில்லை

கற்பனையில் எவ்வளவு ரசிப்பினும் வாழ்வை
உன்னுடன் சேர்ந்து வாழவே தவம் புரிகிறேன்!!!

வெப்பம்

வெண்ணிலவின் வெப்பத்தை உணர்கிறேன்!
நீ அருகில் இல்லாத பொழுது !!

முகப்பரு

அவள் அழகு முகத்தில்
அலங்காரப் புள்ளிகள் !
முகப்பரு !!

வெட்கம்

உன் அழகைக் காண வெட்கி
நொடியில் ஓடி ஒளிந்தது
மின்னல் !!!